Sianghleirun ah dawt mi he
nuam chialmal in lenti lio caah ahcun ni le thla, kum le caan tha hna hi an
liam manh hmanh theih an rak si lo. Cun
mi zei van hmanh an rak hai cio hna lo. Khua te chum tang le khuadi romei, thal
nilin tang I rian hrang a tuan tawn mi zong ah rak niam hlei a si lo. Hmun
sang, hmunpi van zong hai a rak um bal lo. Cu tic un hmun khat te ah nuam
chialmal in dawt mi he an rak lengtte cio tawn hna.
Hmun dang le khua dang mi
rak sihmanh ah sianghleirun ruangah
dawtnak dah tha nih leng le val rual hna cu rak hmu bal hmanh hna hlah u sih
law, far can le ta can bantuk in a hun kan funtom tawn theu I leng le val rual
hna cu zalam tlangah nuam chialmal in dawt mi hna he dawtnak bia sung cu
phai tti cio tawn hna.
Cu lio caan te ahcun Val
Stalin le Leng Melody zong dawtnak dah tha nih cun ta can le far can ah a hun
funtom ve hna I, cu ti cun zalam tlangah dawtnak bia sung phai pah in
sianghleirun inn lei cu panh vet awn hna, cu ti nun tlang I dawtnak bia an phai
ti lio caan ahcun kan mah lawng hi hi vulei cungah a dam le eve bang in a tlong
lengmi kan si ko rua timi lungput an rak ngei. An pawng I leng le val rual,
dawtnak tilet chung I duh in a tlong leng ve mi hna le an motor cycle ci thawng
zong an rak thei kho ve hrimhrim lo. Dawtnak ruangah an mit a cawt lawng si
loin an hna zong a rak chet chih eee..
Sihmanhsehlaw, hi vulei cu
a hmun lomi ram, thennak ram le ngaihchiatnak, lungtlinlonak ram a si caah dawt
mi he duh in lenttinak caan tha le dawtnak biasing phaittinak caan tha hna cu,
ni le thla, kum le caan nih tlaih khawh loin an lim pi hna. Dawt m hna he duh
in dawtnak bia sung phai in sianghleirun inn kai lio caan tha hna cu an hung
dih pah cang caah thennak caan zong a hung nai pah zuahmah ve cang . Cu ti
lungkhat in dawtnak tilet chung I a leng mi hna thinlung chungah cun a hung
fiang cang.
Cucaah then lai cu kan
siang lo ee, maw ni le thla, kum le caan tha hna aw liam tuan rih hlah law,
hung chuak than ko rih law, dawt mi he lentti kan cim rih lo ee, tiin hram le
le kawh len zongah ni le thla kum le caan tha hna nih tlaih piak in leh rul le
kir than an thiam ti tung lo. Cucaah dawt mi he then lai cu kan ruat ko hrim lo
ee, tiin tah len zongah zei san a tlai kho ti lo. caan cu an liam chin lengmang
ko ee. Cucaah duh zong du lo zongah tlunnak ding ticket cu an caw cio cang hna,
mi cheu caah cun lungrawn khua ummi an
dawt mi hna he tonnak a si I lunglomhnak a rak si. A cheu caah cun dawt mi he
thennak caan a si caah mitthli dairial ti bang zur in tahnak tu a rak si ai.
Val Stalin le Le Melody ca
zongah an sianghleirun kai ban caan cu mitthli dairial bang zur kiarmar in
tahnak a cang ai. Dawtnak ruang I thla mi mitthli dairial ti cu zeithluk I
khuakhen le thal nil in zong nih a hulter kho hrim lo. Then lai zan ahcun
hmailei ton than nak ding caah le nuam chialmal in an lenttinak ding caah tiin
a fek mi dawtnak bia kam ngei ding ah dawtnak biasing phaittinak caan tha an la
tti. Zei tuanhar hlan ah caan tha cu an liam tuan hna I khua dei fingrei nih a
cat pah ziahmah cang caah zan thlapa zong liam ai zal pah ziahmah ve cang.
Cu caah then lo awk a tha
ti lo I Val Stalin nih cun zeiti awk tha lo caan nih a kan then fom cu the, dam
tein rung um k one law, kei zong semnak lungrawn khuate panh in ni lin, lamcho
sang ah nang zun tuar in uai hniang mang
in vung kal k one ning. Kan I dawtnak biakam mi cu a fek mi lungpi cung tu ah
ram bunh hram ko she tiah a van ti.
Sihmanhsehlaw, Melody nihcun ka ta aw zeitindah nangmah lo cun na
far hi ka rung um khawh lai. Ka ta aw ka kal tak hrimhrim hlah law a ti I an
kutsih mi cu an I thlah kho hrim ti lo. A dawt tukmi a ta tang cungah a lu te
cu a hun thluk I cu lio ahcun ka dawt mi ka ta aw … hi tluk in an dawtu na far
hi lileng le zaanguai in rung um ko she na ti ko lai maw? a hun ti.
Asinain Stalin nihcun kei cu chiahrin le santlailo val ka si
caah nang he conak ding caah tiin le ruun I, inn nuam I kan letinak ding caah tiin chawva ka
kawl t alai. Harnak lampi lak I zuamnak in hmuh mi le ngeihchiatnak ,
tukforhnak, tampi lakin zumhthlak in I dawtnak nih a thlummi nunnak a chuah pi
tawn. Zumh thlak in nun tu I zuam u sih a hun ti. Cu tic un then lo awk tha lo in caan than hna cu an
liam chin lengmang i khua dei a hun I zal cang.
Melody. Ka dawt mi ka tta
aw, zei ti awk nih le na tha ti tung lo dam tei tu in semnak nan khua te cun
vung liam riang mang k one law, muidawh aankaa than a ton caan le a thar in zan
thlapa a van caan paoh na kal tak mi na far hi hung ka philh hrim hlah mu…….. leng
dang dawtnak aan kaa tha nih kei kan dawtnak hi cu chat hrim hlah seh tiah an
tun ti…
Stalin , ka dawt bik mi ka
far aw, rak ka zum ko law, an chim sem mawng nau na pom hlan paoh cu kan
dawtnak ka thinlung nih an umpi peng ko lai ee… a hun ti.
Melody, ka dawt bik mi ka
ta aw, nang nih cun an chim sem mawng nau na pom hlan paoh ahcun kan dawtnak ka thin lung nih an um pi peng ko
lai ee, na ti kei nih cun an chim sem mawng nau zong hei pom ko hmanh law, kan
dawtnak cu a hmun peng ko lai ee… a hun ti I mitthli he an I pom lio caan
ahcun zing lei ar a hung khuang I caan nih cun an then hna.
Stalin cu Laipa a si caah
Vapual bantukin zumh awk tlak pa a si. A chim cang mi a bia ah fek tein a dir
mi a si. Cu caah chawva kawl dingin tio
kap, vok ek lak le chuam nih a zelh peng mi an khua te cu panh ding ah zaang uai chialmal buin lam cho sang cu a
hung kai.
Tio vokek lak le chum nih a
zelh peng mi an khua te cu a hung phan I a dawt mi melody he co nak ding cah
tiin dawt zun tuar buin an chim riak lang va te bang kawp ngei loin thal ni le le khua di romei le kan cung van rial ruah tangah lam cho sang
kai in le a kuat zong durh dih cikcek in rian hrang lawng a tuan. A tha a bat
tuk caan paoh vam thluk cung ah a
tthu tawn I cu caan ahcun (Maw raw, maw
ra bawh, Dapemeh ma maw bu) timi hl ate hi ai sak tawn. Mah hla hi (Phakanh,
Man su,) suikhur co pawl nih sui khur an cawhnak an bat tuk ko nain sui tampi
van ngah I mi rum lian si dingin an ruah ah an tha bat tawn caah cu he peh
tlaiin an phuah mi a si. Stalin ca tu ah cun a zang a bat tuk ko zongah a
dawt mi he co nak ding ruah ah a tha a
dam than vet awn,. Cu caan lio ah a dawt
tuk mi Melody cu phun sang,hmun sang I a um mi vaal pa nih a par nak cu a ziam
ter cang.
Cucaah hmun sang in chim
thlite rung hrang kaw, lunglomhnak thawng tha hlah maw? A sine rua lai tiin a
ruah lio ah ngaihchiatnak, lungkuainak zil thli nemte tu a rak si ai. cu
thawngpang Stalin nih a theih tikah a lungthin dihlak in a rak dawt tuk mi le mi
vialte lakah a zumh bik mi a dawt mi Melody nih vaal dang tang a pomnak kong a
ruah a celh hrimhrim lo I a lungthin cu muihnak in a khat I a dawt mi Melody
zuun tuar in raw lei chungpil lo le rian tuan zaang tlung kho lo in a thinlung
cu kek hnik aa zaal I rul thah hnang bang ih tintling cungah aa lawng lengmang.
Aw…….. A fek bik mi lungpi
cungah hram a bunh cang tiin ka ruah mi ka dawt mi Melody thinlung chuak mi bia
thlum hna kha, These cung I bunh mi pei
a rak si k one hi……. Lunghnem kho tu le hnak ruk thlamtlin ter tu conak ding
caah tiin nil in le ruah sur zong ruat loin
le dinh caan te hmanh ngei thiam loin rian hrang a tuan mi vialte hna
cu, a caah lungkuai tertu lawng te ah an cang dih. Cu tikah cun hmun sang van a hung ngai ruang
mang ve cang.
Chia hrin le santlailo val,
khua te vang nau I a um mi ka si caah maw? Hmun sang a um mi ka dawt cu hmun
sang val pa nih a par dawhnak cu a ziamh ter k one. Lungsak khaw ti hi a um kho
te hnga maw? A fek lomi hmun sang par dawh te aw…. hmun sang le sui ngun chaw
va caan ah a pum le a nunnak tiang pek in
an daw tu na ta hi damh khawh
lomi lungthin zawtnak in va zaw zungzal ko she na ti maw? A fek lomi hmun sang
par dawh ton cu poison din sual bantuk pei a rak si ko ne hi….
Stalin, Ka dawt aw thal
caan hna nih voi dang tawn bang in hung chuak than lai. Khua di romei nih le
zam hna lai. Laitlang par dawh hna nih tlang sang cung in par than hna lai. Va
aw dawh phun tling nih an lung duh kawp
he ti zu par tlan dingin lunglomhnak
zaithla sa in awn hna lai. Tlang cung thei phun kip nih hrawn za hoi lai khup
tthi rual hawi hna nih nuam in hrawng hna lai. Far hniang kei bel kawp ngei loin rual hawi sinah nang
zun tuar ko lai cu. ho nih hnemh kho lai lo, lungrawn khua leng no nih a dawt
mi Melody zun ngeihnak zaihla saknak in a caan hna cu an liam dih ti hna lai. Hi bantuk a fek lomi hmun sang
par dawh ton cu chiahrin le santlai lo vaal pa caah cun lungkuai thihnak sivai
pei a rak si hi.
